وردەکاریی کتێب
ئەی بەندەی دۆست ... ئەی کەشتی دوژمن
زانیاریی سەرەکیی ئەم کتێبە، فۆرماتە بەردەستەکان، و نرخەکان لێرە کۆ کراونەتەوە.
ناوەڕۆک
ئەی بەندەی دۆست ... ئەی کەشتی دوژمن
پەرتووکی : ئەی بەندەی دۆست ... ئەی کەشتی دوژمن
نووسینی : بەختیار عەلی
ئێوارەیەک کە خوێنی من وەک هەموو ئێوارەکانی دی پڕبوو لە ئەستێرە
ئێوارەیەک وەک هەموو ئێوارەکانی دی، پڕبووم لە گوڵی وێران.
وەک هەموو ڕۆژەکانی دی، دڵم پڕبوو لە باڵندەی ون ...
پڕبوو لەو غەمانەی بەرەو قوڵایی خەراباتی من دەچوون ... لە ڕێگای سەفەردا تا وێرانەکانی خۆم، خەراباتی ئێوەم بینی ... بەلای هەر باخێکدا تێپەڕیم، لەبری پاییزى خۆم، خەزانی خەڵکی تر هاتە ڕێگام. تەپوتۆزی ئێوە هەوای ئێوارە ساردەکانی من بوو... کە لە درەختە سووتاوەکانی خۆم نزیکبوومەوە، هاواری میوەی برینداری ئەوانم بیست ... کە گەیشتمە سەر گۆڕی خۆم و دەستم لە لاشەی خۆمدا... خوێنی ئەوان و تێسکی ئەوان کەوتە بەر دەستم...