غەزەلنوس و باغەکانی خەیاڵ

غەزەلنوس و باغەکانی خەیاڵ

پەرتووکی : غەزەلنوس و باغەکانی خەیاڵ

نووسینی : بەختیار عەلی

لە سەرەتای بەهاری ساڵی ٢٠٠٦ دا، پیاوێکی درێژ و باریک و ڕەنگ ئەسمەر، بە ئەرکێکی تایبەت و بەرپرسیارییەکی گەلەک نهێنی، چوو بۆ گوندێک لە ناو چیا زۆر عاسییەکانی باکووردا، فەرمانێکی تایبەت و ترسناکی پێبوو، دەبووایه ئیشێک جێبەجێبکات کە بە هیچ ئادەمیزادێکی دیکە جێبەجێ نەدەکرا. یەکێک بوو لەو ڕوحه فێڵباز و فریودەرانەی هەمیشە خۆیان بێگوناه نیشاندەدەن، ئەو زەردەخەنە پڕ فریوەی سەر لێوی کۆمەکێکی گەورەبوو، بتوانیت خۆی بە هەزار جۆر بگۆڕێت.